في رثاء أبي الفضل العباس على لسان الحسين (ع) احسين يا عباس يم راسك وقف=ينحب او ظهره اعلى فرقاك انعطف

في رثاء أبي الفضل العباس على لسان الحسين (ع)

1. احسين يا عباس يم راسك وقف
ينحب او ظهره اعلى فرقاك انعطف
2. آه لمن وقف يم راسك احسين
او شاف قطع ايسارك او بري اليمين
3. اكظم او سالت على وجنة العين
دمع من اسويد دلاله هدف
4. يا عضيدي النوم الك ماله محل
نايم او هاليوم يومك يا فحل
5. يا عضيدي اشلون ترضه وحيد اظل
و بين عدوانك و هم سبعين الف
6. يا عضيدي النوم الك مو هلوقت
قوم بينه اهل الغدر لا تشتمت
7. يابن ابويه فارقتني او جاورت
جنة الفردوس و اسكنت الغرف
8. يا عضيدي النوم الك ما ينتسب
ما على غيرك عليك الينعتب
9. واعدت بالماي سكنه او لي ترب
وين عمي او عادتك ما تختلف
10. يا عضيدي اشلون تغمض لك اعيون
يو افراقي اعليك يا ضيغم يهون
11. قوم يا عباس رد عمر الكون
ما يود غيرك و هو السيفك ولف
12. يا عضيدي اعيونك اشلون اتغمض
و لك بالطف خيم مشحونه عرض
13. ابغير سيفك يا شئم ما تنخفض
او سورها لحدورها ولها سجف
14. يا عضيدي اعيونك اشلون اتغمض
و لك بالطف خيم مشحونه عرض
15. و الفوارس يم المخيم ترن
قوم رد الخيل عنها يا كلف
16. يا عضيدي اشلون الك عين التنام
او خيل عدوانك دنت يم الخيام
17. يا ضخر زينب يعزها يضرغام
او راط منها القلب من عقبك رجف
18. تدري شيقولون يعضيدي الكفر
تم وحيد احسين ما عنده نصر
19. جان اخوه عباس ضامد بيه ضخر
راح من عنده او عليه حيله ضعف
20. تدري شيقولون يعضيدي النذال
عقب ابو فاضل اخوه احسين ذال
21. او شابحات الدربك اعيون الاطفال
تنتظر جودك الما بحره نشف