حكايه عم امين وعم مينا فى رمضان
احسانك للفقراء طريقك الي الجنة
كان يا مكان كان في راجل اسمه عم امين وصحبه عم مينا كانو جيران واخوان وفي يوم من الايام فكر عم امين وعم مينا يعملو شنطة رمضان لجارهم عم كريم.
عم امين عمل شنطة وعم مينا عمل شنطة ، والشنطتين فيهم تموين واتقبلو الاتنين علي باب عم كريم وقالو نكتب علي الشنطة اسم مين؟! ، وبعد تفكير طويل اتفقو ان اسم مينا واسم امين متفق في كلمة مين ، فجمعو الشنطتين في شنطة واحدة وكتبو عليها شنطة مين وفتح الباب عم كريم وشاف شنطة تموين مكتوب عليها شنطة مين.
ومعرفش هي شنطة عم مينا ولا عم امين .
وفضلت الحكاية في بيت كل المصريين ومحدش يعرف صاحب الشنطة مين ؟!
مؤسسة خطوات الخيرية نظمت مبادرة بالتعاون مع المؤسسة المصرية للزكاة اسمها شنطة مين لاطعام 10000 مواطن مصري فقير متضررين من احداث الفتنة الطائفية في مصر وده علشان نأكد لبعض مسلم ومسيحي ان احنا مصريين أيد واحدة
خليك أيجابي وشارك معانا في الحملة وخلينا نقول للعالم اننا كلنا مصريين مش بس كلام
طيب الشنطة هتروح لمين ؟
الشنطة هتروح لمسلم ومسيحي محتاجين وهتروح بأيد مصريين تعالو معانا وشاركو بجد وكفايانا كلام مش بيفيد حد .
للتبرع بمبلغ مالي من هنا
للتطوع معانا في المبادرة من هنا
ارك معانا متطوع او متبرع
