نادينه باسمك يالحسن نادينه

نادينه باسمك يالحسن نادينه ... هنينه بيك القائم وهادينه

فدوه لاسمكم ناضري ... والرايه بايد العسكري

هنينه بيك القائم وهادينه

ــــــــــــــــــــــــــــــــــــــــــــــــــ ــــــــــــــــــــــــــــ
يا ابا الحجة العمر بيكم يطول .. شارد اوصّف من كرمكم شارد اكول

وانته ابن حامي الحمى وفحل الفحول ... الضاعت بصولاته الجبال وسهول

بالماضي يبكَه وحاضري ... والرايه بايد العسكري



الدنيا يا با المنتضر ساعه وتميل ... ومن زمن جدّك ترادت والخليل

ما نبارحكم وحك دم العليل ... ونصبر على اهل الغدر صبر جميل

والله باسمكم ناصري ... والرايه بايد العسكري

يا فرحنه ويا حزن ليل ونهار ... وطوّل لاهل اليقين الانتضار

انته حكَ الله وعلم غيره وفخار ... وفال خصمك يا ولينه الانكسار

يالذكره يجبر خاطري ... والرايه بايد العسكري

نحيا بيكم يا امامي اجمل حياة ... وانتم انوار الخلايق والنجاة

بيكم الحك والعدل واجمل صفات ... وانتم صروح العقايد والاباة

بعنه الركاب ونشتري ... والرايه بايد العسكري

بمولدك يا سيدي الفرحه تسود ... وتنتشر بالدنيه هالفرحه وتعود

نسال الله القائم بجوده يجود ... ويفني اهل الباطل واهل الصدود

ترخص دماي ومنحري ... والرايه بايد العسكري

هنينه بيك القائم وهادينه

رحيم الحسيني الحسناوي