هذه أبـــو الغيرة الـوفي يسمونه انطاكم اجفــوفه انتم شتنطونه

انطـــــاكم اجفــوفه انتم شتنطونه

......

الليلة لليسهر صدك يحلـه السهر

يغــازل النجمات ويشــوف الكـمر

نزلت القــدرة ونــزل يمهه القـدر

يهنـي زهــره وحيدره والمنتــظر

ولبو فــاضــل كــلهم يهــنــونه

......

الليلة ميــلاد العميد ابــن العمـيد

هذه حبه اليجري مو دم بالـوريد

الغيــرة طلكت خلفت هـذه الوليد

جــابت العبـــاس تدرون شيـريد

يــم آخــيــته زيــنب يــودونــه

......

قبـــل أشمـــاله عــلــي ويمينه

وأمـــه فـــاطم قبلـــته بعـــيـنه

وشـــافته كــام انحــنه لحسينه

أوقـــف ألــزينب هــذن جفيـنه

والــــوفاء مرسوم بين عيونه

.......

كعــد يم زينب أجه يحــاجيهه

يزيل عنهه همومهه يسلـيهه

يخاف من أنفـــاسهه تـاذيـهه

شحــده جان ألهوه ليمر بيهه

هــذه كــافــل زينب تعرفـونه

.......

هــذه عبــاس وابـن ام البـنـين

مصدر الحب ولهيامه والحنين

ذابوا بعشك العقيلة والحسيـن

اثنين ما الهم ابـد واحـد قـرين

وشنهو معنى العاشك يعلمونه

......

الخادم

إياد الفرح